Blog
सलाम छ
A tribute to the Frontline Warriors fighting the battle against COVID-19 to keep the entire nation safe…
स्वष्तिका सुवाल
कक्षा नौ
सलाम छ,
ती सबै सबैलाई
जो महामारीको कठीन समयमा
हाम्रा रक्षाकवज बनेर उभिएका छन्
सञ्जीवनी बनेर खटिरहेका छन्
आफ्नो ज्यान हत्केलामा राखेर
मावन अस्तित्व बचाउन
मृत्युसँग कुस्ती खेलिरहेका छन् ।
सलाम छ,
ती भगवानहरुलाई
जो कोरोना जस्ता प्राणघातक कीटाणुसँग
पहिलो घेरामा उभिएर लडिरहेका छन्
भोक, प्यास कै नभनी
हामीलाई नयाँ जीवन दिइरहेका छन्
बरु आफै सङ्क्रमित भएर
हामीलाई सङ्क्रमणबाट बचाइरहेका छन् ।
सलाम छ,
प्रिय डाक्टरहरुलाई
केही अबुझ मान्छेहरुले
तपाईँहरुमाथि गरेको दुव्र्यवहार अक्षम्य छ
म लज्जित छु यो खबर सुन्दा
तर पनि
हामी तपाईँको साथमा छाैँ
तपाईँहरुको मनोबल र शिर सगरमाथाझैँ उच्च राख्न
हाम्रो साथ, सम्मान र माया तपाईँहरुसँग छ
हाम्रो भरोसा र विश्वास तपाईँहरुमा छ
शिवजीले समुद्र मन्थनमा निस्केको कालकूट विष पिएर
धर्तीको रक्षा गरेझैँ
कोरोनारुपी कालकूट विष पिएर हाम्रो रक्षा गर्ने
सबै सबैलाई अन्तस्करणदेखि सलाम छ ।