मैले देखेका भगवान्

इच्छा त उनीहरुलाई पनि छ

आफ्नो परिवारसँग सुरक्षित बस्न

छोराछोरीका कमला हात समाउँदै दन्त्य कथा सुनाउन

तर

सेवा उनको धर्म हो

रोगसँग लड्नु कर्म हो

आफनै जीवनको पर्वाह नगरी

अरुको ज्यान बचाउनु जीवनको मर्म हो ।

आज कोरोना कहरले विश्व सन्त्रस्त हँुदा

जीवन रक्षाको लागि हामी घरभित्रै बसिरहँदा

पिपिई, मास्क र पन्जाको सहारामा

कोरोनासँग जुधिरहेका स्वास्थ्यकर्मी

अनि

बन्दाबन्दीलाई सफल बनाउन चेतनाको बिगुल फुक्ने प्रहरीहरु

जीवनदाता बनेर उभिएका छन्

कति प्रहरी र स्वास्थ्यकर्मीहरु सङ्क्रमित हुँदा पनि

हाम्रै लागि खटिरहेका छन् ।

पहिलो घेरामा उभिएर

कोरोना विरुद्धको लडाइँमा

होमिएका यी भगवान्हरुलाई

दुव्र्यवहार होइन

सम्मान, समर्थन र कदर गरौँ

सम्पूर्ण स्वास्थ्यकर्मी र प्रहरीहरुलाई साधुवाद !