महान् योद्धा

यो कोरोनाको कहरमा

सबै जना आआफ्नो घरघरमा

आफनो ज्यान हत्केलामा राखेर

मात्र डाक्टर र प्रहरी छन् मैदानमा

प्रहरी आफनो बर्दी लगाएर

आफ्नो ज्यान र सान आफूले लाएको मास्कमा च्यापेर

अनि डाक्टर व्यक्तिगत सुरक्षाका उपकरण लगाएर

आफ्नो ज्यान आफूले लगाएको पन्जामा च्यापेर ।

डाक्टरका छोराछोरी भन्छन्

बबा मलाईभन्दा पनि बढी बिरामीलाई माया गर्छन्

प्रहरीका छोरा भन्छन्

बाबा मलाई भेट्न कहिल्यै आउँदैनन्

प्रहरी र डाक्टर आफ्ना चोटहरु बिर्सेर

बाहिरी रुपमा मुसुक्क मुस्कुराउँछन्

परिवारसँग महिनौँ टाढा बसेर पनि आफ्नो चोट लुकाउँछन्

हामी त आफ्नो पविारसँग खुसी छौँ

सबैले बुझ्छन् यो कुरा

तर हाम्रा निम्ति खटेका सुरक्षाकर्मीको पीडा

कसले बुझ्छ त्यो कुरा ?

देशको कठीन परिस्थितिमा पनि

आफनो ज्यानको बाजी थापेर

अहोरात्र खटिने महान् सुरक्षाकर्मीलाई सलाम !