Blog

कक्षा आठको स्थानीय पाठ्यक्रम अन्तर्गत ख्वपको पहिचान विषयको उद्देश्य परिपूर्ति गर्न तथा विद्यालयले तय गरेको कला, संस्कार र संस्कृतिः यसको संरक्षण एम्.भि.ए.को दूरदृष्टि नारालाई सार्थक र व्यावहारिक बनाउनु कार्यक्रमको मूल उद्देश्य थियो । किताबका सीमित पृष्ठमा मात्र सिकाइलाई नबाधिकन पाठ्यक्रमले तय गरेका निर्दिष्ट लक्ष्यअनुरूप समाज, प्रकृति, संस्कृति, विज्ञान, प्रविधि एवम् वर्तमान परिवेशमा विद्यार्थीको प्रत्यक्ष सहभागिता गराई सिकाइ कार्य अगाडि बढाउने विद्यालयको नीति र संस्कृति भएकाले उक्त कार्यक्रम गरिएको हो । यसबाट सम्पूर्ण शिक्षक एवम् विद्यार्थीले प्रत्यक्ष रूपमा झ्व भ्वय सम्बन्धी आवश्यक ज्ञान व्यावहारिक तवरले सिक्ने अवसर पाएकोमा विद्यालय गौरवान्वित भएको छ । झ्व भ्वय कार्यमकै दिन विद्यालमा दोस्रो निदानात्मक परीक्षाको परीक्षाफल प्रकाशन तथा वितरण कार्य गरियो भने विजया दशमीको अवसरमा एकापसमा शुभकामना आदानप्रदान कार्य पनि सम्पन्न गरियो । सम्बन्धित शिक्षकबाट विद्यार्थीलाई टीका र जमरा लगाएर आशीर्वाद एवम् सुगन र दक्षिणा दिने कार्य गरियो भने विद्यालयका कार्यकारी निर्देशक श्री महेन्द्रप्रसाद मास्केज्यूबाट सम्पूर्ण शिक्षक कर्मचारीलाई टीका र जमरा लगाएर आशीर्वाद एवम् सुगन र दक्षिणा दिने कार्य सम्पन्न गरियो । विद्यालय नेपाल र नेपालीलाई चिनाउने हाम्रा कला, धर्म, संस्कृति एवम् चाडपर्वको संरक्षण र संवद्र्धनमा सदैव दरोखरो रूपमा अगाडि बढ्ने र आगामी दिनमा पनि यस्ता कार्यक्रम गर्न अझ सशक्त भएर प्रस्तुत हुने प्रतिज्ञासहित कार्यक्रम सम्पन्न गरियो ।