Blog

‘निरोगी काया खुसी मन: स्वस्थ समाज निर्माण एम्.भि.ए.को अभियान’ भन्ने मूल नाराका साथ मिति २०८१ साल फाल्गुन महिनाको १७ गते शनिबारका दिन महेन्द्र विद्या आश्रम भक्तपुर प्रा. लि.ले बृहत निःशुल्क स्वास्थ्य शिविर कार्यक्रम भव्यतापूर्वक सम्पन्न गरेको छ । समाज डेन्टल र भक्तपुर हार्ट एण्ड डायवेटिक सेन्टरको प्राविधिक सहयोगमा भक्तपुर नगरपालिका वडा नं. ३ स्थित नासमनामा सञ्चालन गरिएको उक्त कार्यक्रमको समुद्घाटन भनपा वडा नं. ३ का वडाध्यक्ष श्री राजकृष्ण गोराज्यूले गर्नुभएको थियो । कार्यक्रमलाई सम्बोधन गर्नुहुँदै उहाँले महेन्द्र विद्या आश्रम भक्तपुर प्रा. लि.ले हरेक वर्ष आयोजना गर्ने शिःशुल्क स्वास्थ्य शिविर, रक्तदान लगायतका जनचेतनामूलक कार्यक्रम प्रशंसनीय र अनुकरणीय रहेको बताउनुभयो । यसका साथै उहाँले महेन्द्र विद्या आश्रम भक्तपुर प्रा. लि. आफ्नो तहबाट सामाजिक उत्तरदायित्व बहन गर्न उद्यत रहेको र आगामी दिनमा पनि यस्ता प्रकृतिका कार्यक्रमले निरन्तरता पाउने विश्वास व्यक्त गर्नुभयो ।